利物浦熱身賽第四擊，作客德甲哈化柏林。紅軍三名西班牙國腳包括費蘭度托利斯，以及謝拉特今仗續缺陣，限米煮限飯賓帥惟有繼續練兵試陣，呢場和味濃！（有線足球台61周三凌晨１時45分直播）

    謝拉特因傷返英

    利物浦之前三場熱身賽表現只屬一般，頭兩場贏燦美爾及盧塞恩只因對手太弱，紅軍一班副選及新仔先可以憑質素僅勝。到上場對波蘭一哥克拉科夫，對手稍為高班，利物浦已經無法取勝。三位西班牙國腳費蘭度托利斯、連拿同沙比阿朗素仲未歸隊，而謝拉特亦已因傷返英，今仗佢陣容繼續「熟口熟面」，禾路連、班拿約、列圖、迪亞高卡華利尼作主打，作客贏唔到哈化柏林。
 
    哈化柏林本屆有得踢足協盃，球隊特登提早開操，走�奕�奧地利特訓，之前主場就大炒摩爾多瓦球隊尼斯杜，狀態有一定保證，不過利物浦後防始終可靠，哈化要贏亦唔易，揀和數。